- Inicio
Información Xuvenil
Os espazos municipais de información xuvenil do concello da Coruña, enmárcanse no servizo de Mocidade, dentro da área de Igualdade, Benestar Social e Participación. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
Coñece a Rede de Información Xuvenil
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
Actualidade
-
Seminario informativo sobre Voluntariado Europeo
Cando:
24/05/2024
A Fundación Paideia organiza un novo seminario informativo para explicar en que consiste o programa de Voluntariado Europeo, un proxecto enmarcado dentro do Corpo Europeo de Solidaridade. As persoas asistentes poderán ademais plantexar preguntas e aclarar dúbidas.
-
IV Concurso de Cómic "Universo Goya"
Inscricións:
Ata o 15/07/2024
ata as 12.00 h.
O Museo Goya da Fundación Ibercaja convoca a 4ª edición do Concurso de Cómic "Universo Goya", destinado ao fomento do coñecemento entre os mozos da traxectoria e obra do pintor aragonés, un dos máis relevantes da cultura artística española e universal.
-
Obradoiro Creación Literaria e Natureza
Cando:
Dende o 24/05/2024 ata o 25/05/2024
O Centro de Extensión Universitaria e Divulgación Ambiental de Galicia (CEIDA) organiza, nas antigas cabalarizas do Pazo de Lóngora e no Monumento Natural Costa de Dexo, un obradoiro que pretende que as persoas participantes adquiran as ferramentas básicas necesarias para un achegamento literario creativo á natureza.
-
Concurso de Carteis da Festa do Albariño
Inscricións:
Ata o 14/06/2024
ata as 14.00 h
O Concello de Cambados convoca o concurso para a elección do cartel anunciador da Festa do Albariño 2024.
-
IV Premio Investigación e ensaio Aplicacións terapéuticas de arte FMJJ, 2024
Cando:
Dende o 19/02/2024 ata o 26/07/2024
A Fundación María José Jove convoca a IV edición do Premio de Investigación e Ensaio sobre Aplicacións Terapéuticas da arte, dirixida a fomentar o pensamento contemporáneo e a súa confluencia interdisciplinar en relación á arte e a saúde.
-
Día Internacional dos Museos 2024
Cando:
18/05/2024
Inscricións:
Dende o 08/05/2024
O Concello da Coruña conmemora o día Internacional dos museos cun amplo abano de actividades para todos os públicos no Museo Arqueolóxico do Castelo de San Antón, as casas museo, o Quiosco Alfonso e as salas municipais de exposicións.
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible